У Беларусі працягваецца вылучэнне кандыдатаў у дэпутаты

Гродна
Прэтэндэнты на месца ў парламенце актыўна праводзяць пікеты не толькі ў сталіцы, але і ў рэгіёнах. Напрыклад, у Гродне члены ініцыятыўных груп сустракаюцца з выбаршчыкамі прама на вуліцах, ажыццяўляюць пакватэрныя абходы.

Віцебск
Для збору подпісаў, як правіла, выбіраюць абедзенны час або канец рабочага дня, калі ў гараджан ёсць магчымасць азнаёміцца з прапановамі і праграмай патэнцыяльнага кандыдата. У топе перадвыбарных абяцанняў як вырашэнне мясцовых праблем, канкрэтнай вуліцы або нават дома, так і прапановы па сістэмным развіцці цэлых галін.

Дзяржынск
Працягваецца збор подпісаў за прэтэндэнтаў у кандыдаты ў дэпутаты Палаты прадстаўнікоў Нацыянальнага сходу і ў Мінскай вобласці. Тут таксама ва ўсіх раённых цэнтрах праходзяць пікеты. Так, у Дзяржынску зарэгістраваны чатыры ініцыятыўныя групы. Каб іх прэтэндэнты сталі кандыдатамі ў дэпутаты, згодна з агульнымі правіламі, трэба сабраць мінімум тысячу подпісаў.

Збор подпісаў прадоўжыцца да 7 кастрычніка. Пасля гэтага дакументы правераць і прымуць рашэнне аб прысваенні статусу кандыдата ў дэпутаты. Парламенцкія выбары пройдуць у Беларусі 17 лістапада.